எப்பவுமே சந்தோஷமா இருக்கணுமா?

எப்படி சோகம், பயம், கோபம் என்பது எல்லாம் ஒரு உணர்வு போல சந்தோஷமும் மனிதருக்கு முக்கியமான ஒரு உணர்வாகும். மகிழ்ச்சியாக இருக்கும் போது நம் மன ஆரோக்கியம் மட்டுமல்ல உடல் ஆரோக்கியமும் மேம்படுகிறது என்கிறது அறிவியல். அந்த வகையில் எப்படி நாம் சந்தோஷமாக இருக்கலாம் என்பதை கூறும் அறிவியல் டிப்ஸ்கள்

எல்லா உணர்ச்சிகளைப் போலவே சோகமும் நம் வாழ்வில் ஒரு பகுதியாக இருக்கிறது. இந்த சோகத்தால் தான் எல்லா தொல்லைகளும் நம்மை வந்து சேர்கின்றன. நரம்பியல் சம்பந்தமான பிரச்சனைகளில் இருந்து ஏகப்பட்ட உடல்நலப் பிணிகள் வரை ஏற்படுவது எல்லாம் இந்த மனச்சோர்வால் தான். இந்த மனச்சோர்வு மக்களை தற்கொலை எண்ணம் வரைக் கூட தூண்டி விடுகிறது. இருப்பினும் வாழ்வில் சோகமும் துக்கமும் மாறி மாறி வரக் கூடியது. இந்த இரண்டு உணர்ச்சிகளையுமே நாம் புறக்கணிக்க முடியாது. அதை நாம் சமாளிக்க முற்பட வேண்டும்.

அந்த வகையில் நீங்கள் சோகமாக இருக்கும் சமயத்தில் இந்த 11 விஷயங்களை செய்யுங்கள் நல்ல பலன் கிடைக்கும் என்கிறது ஆராய்ச்சி.

​உங்களுக்கு பிடித்த இசையை கேளுங்கள்

தேசிய அறிவியல் அகாடமியின் செயல்முறைகளில் வெளியிடப்பட்ட ஒரு சமீபத்திய ஆய்வில், இசையைக் கேட்பது டோபமைன் என்ற ஹார்மோனை வெளியிடுகிறது. இது உங்க உடலில் நல்ல ஹார்மோன் சுரப்பை தூண்டுகிறது. நல்ல இசையை கேட்கும் போது இன்பம் உண்டாகும், மனதிற்கு உற்சாகத்தை தரும். உங்களை நீங்கள் நன்றாக உணர முடியும். இது உங்க பதட்டத்தை குறைத்து மனதை ரிலாக்ஸ் ஆக வைக்கும்.

​உங்க இதயத்தை வெளியே நடனமாட விடுங்கள்

நடனம் ஆடுவது உங்களுக்கு நேர்மறை உணர்வுகளைத் தூண்டும், மன அழுத்தத்தை குறைக்கும். நடனம் ஆடுவதால் எண்டோர்பின் என்ற வேதிப்பொருள் சுரக்கிறது. நடனம் வலி உணர்வை குறைக்க உதவுகிறது. இதனால் மன ரீதியாக நீங்கள் உணர்ச்சி நிலைக்கு செல்ல முடியும்.

​வரைதல், பெயிண்டிங் செய்தல்

கலை என்பது என்றைக்குமே சிகிச்சை ஆகும். இது உடலில் உள்ள கார்டிசோல் மன அழுத்த ஹார்மோனை குறைக்கிறது. இது உங்களுக்கு எண்டோர்பின்களை வெளியிடுகிறது. இது மன அழுத்த வலியை எதிர்த்து போராட உதவுகிறது. நீங்கள் எதையாவது வரைந்தாலோ அல்லது வரையும் போது உங்களுக்கு அது சாதகமான உணர்வை தருகிறது. எனவே நீங்கள் சோகமாக இருக்கும் சமயத்தில் கலை போன்ற சிறப்பம்சங்களை செய்து வரலாம்.

​உங்க எண்ணங்களை எழுதுங்கள்

நீங்கள் என்ன நினைக்கிறீர்கள் என்பதை எழுவது உங்க உணர்ச்சிகளை நன்கு புரிந்து கொள்ள உதவுகிறது. இது மனநிலையை மேம்படுத்துகிறது மற்றும் மன அழுத்தத்தை குறைக்கிறது. எனவே எதிர்கால இலக்குகள் மற்றும் கனவுகளை பற்றி எழுதுவது உங்களுக்கு மகிழ்ச்சியை தரும் என்று கூறப்படுகிறது.

​உடற்பயிற்சியை மேற்கொள்ளுங்கள்

உடற்பயிற்சி செய்வது உங்களை நன்றாக உணர வைக்கும். நீங்கள் உண்மையில் உடற்பயிற்சி செய்யும் போது உங்க உடலில் என்ன நடக்கிறது என்பது தெரியுமா. நீங்கள் உடற்பயிற்சி செய்யும் போது உங்கள் உடல் எண்டோர்பின்கள், டோபமைன், அட்ரினலின் மற்றும் எண்டோகான்னபினாய்டு ஆகியவற்றை வெளியிடுகிறது. இந்த ஹார்மோன்கள் அனைத்தும் மகிழ்ச்சியின் உணர்வுகளுடன் தொடர்புடையவை. எனவே உங்க மோசமான மனநிலையை மாற்ற உடற்பயிற்சி செய்து வரலாம்.

​உங்களுக்கு பிடித்த உணவை சமையுங்கள்

உங்களுக்கு பிடித்த உணவை சமைக்கும் போது வரும் மகிழ்ச்சி பெரிது. பிடித்த உணவை சமைத்து சாப்பிடுவது உங்களுக்கு சுவையை மட்டுமல்ல மகிழ்ச்சியையும் அளிக்க கூடியது. சமையலறையில் நேரத்தை செலவிடுவது உங்க மன அழுத்தத்தை குறைக்கிறது. நினைவாற்றலை மேம்படுத்துகிறது. திருப்தியான ஒரு உணர்வை அளிக்கிறது.

​நீங்கள் விரும்பும் ஒருவரிடம் பேசுங்கள்

உறவுகளைப் பேணுவது வாழ்க்கையின் ஒரு முக்கிய அங்கமாகும். எனவே உங்கள் மீது அக்கறை கொண்ட நபரை அளித்து பேசலாம். சோகமான நேரத்தில் அவர்களுடைய ஆறுதல் உங்களுக்கு சுகத்தை தரும். உங்க மனதில் சாதகமான ஒரு சூழலை உருவாக்கும்.

​உங்களுக்கு பிடித்த புத்தகத்தை படியுங்கள்

தியானிப்பதை போன்று வாசிப்பதும் உங்களுக்கு நல்ல விளைவை கொடுக்கும். இது உங்க மூளையை மகிழ்ச்சியாக வைக்க உதவுகிறது. ஆழ்ந்த மன தளர்வு மற்றும் உள் அமைதி போன்ற நன்மைகளை தருகிறது. இது உங்களுக்கு மகிழ்ச்சியை தர உதவுகிறது. எனவே உங்களுக்கு பிடித்தமான புத்தகத்தை வாங்கி படித்து வாருங்கள்.

​சுவாச பயிற்சிகளை மேற்கொள்ளுங்கள்

உங்க சுவாசத்தை கட்டுப்படுத்துவது உடலில் அமைதியான விளைவுகளை ஏற்படுத்தும். நீங்கள் ஆழ்ந்த சுவாசத்தை மேற்கொள்ளும் போது உங்க இரத்தத்தில் ஆக்ஸிஜன் செல்ல இது அனுமதிக்கிறது. இது அமிக்டாலா போன்ற மூளையின் பல்வேறு பகுதிகளை அமைதிப்படுத்துகிறது. இதன் மூலம் நீங்கள் நன்றாகவும் அமைதியாகவும் உணர முடியும்.

​நன்றியுள்ள விஷயங்களின் பட்டியலை உருவாக்குங்கள்

நீங்கள் நன்றியுள்ளவர்களாக இருப்பதை எழுதுவது ஆக்ஸிடாஸின், டோபமைன் மற்றும் செரோடோனின் போன்ற உணர்வு நல்ல இரசாயனங்கள் வெளியிட உதவுகிறது. இது உங்களுக்கு மகிழ்ச்சியின் உணர்வை அதிகரிக்கும். தொடர்ந்து இதைச் செய்து வரும் போது நரம்பியல் பாதைகளை வலுப்படுத்தி மூளைக்கு புத்துயிர் அளிக்கும்.

​உங்கள் அன்றாட உணர்ச்சிகளை பட்டியிலிடுங்கள்

உங்க பிரச்சனைகள் மற்றும் அச்சங்களை அடையாளம் காண உதவுவதன் மூலம் உங்க மனநிலையை மேம்படுத்த முடியும். இது உங்களுக்கு வருத்தத்தை ஏற்படுத்தும் தூண்டுதல்களில் கட்டுப்பாட்டை வழங்கும்.


மேலதிக வீடியோ செய்திகளை பார்வையிட கீழே உள்ள லிங்கை கிளிக் செய்யவும்

lanka4youtube


Back to Top