தற்போதைய செய்தி

நாட்டுக்கோழி கொத்துக்கறி மிளகு வறுவல்

நாட்டுக்கோழியில் சூப்பரான காரசாரமான கொத்துக்கறி மிளகு வறுவல் செய்வது எப்படி என்று பார்க்கலாம். அதை சாதம், சப்பாத்திக்கு தொட்டுக்கொள்ள அருமையாக இருக்கும்.

தேவையான பொருட்கள்

நாட்டுக்கோழி - 1 கிலோ

பெரியவெங்காயம் - 3

இஞ்சி, பூண்டு பேஸ்ட் - 2 ஸ்பூன்

காய்ந்த மிளகாய் - 5

மிளகுதூள் - 4 டீ ஸ்பூன்

சீரகத்தூள் - 1 டீ ஸ்பூன்

உப்பு - தேவையான அளவு

எலுமிச்சை சாறு - 2 டீ ஸ்பூன்

கொத்தமல்லி தழை - சிறிதளவு

எண்ணெய் - தேவையான அளவு

செய்முறை

கொத்தமல்லியை பொடியாக நறுக்கி கொள்ளவும்.

நாட்டுக்கோழியை நன்றாக சுத்தம் செய்து மஞ்சள் தூள், உப்பு சேர்த்து குக்கரில் நன்கு வேக வைத்து கொள்ளவும்.

வேக வைத்த கறியை எலும்பு இல்லாமல் எடுத்து கொத்துக் கறியாக வெட்டிக் கொள்ளவும்.

கடாயில் எண்ணெய் ஊற்றி சூடானதும் காய்ந்த மிளகாய் போட்டு தாளித்த பின்னர் வெங்காயம், இஞ்சி பூண்டு பேஸ்ட் போட்டு வதக்கவும்.

அடுத்து சிக்கனை சேர்த்து வதக்கவும்.

இத்துடன் சீரகத்தூள், மிளகுத் தூள், உப்பு சேர்த்து நன்கு கிளறவும்.

மசாலா கறியில் சேர்ந்தவுடன் எலுமிச்சை சாறு, கொத்தமல்லி தூவி இறக்கி பரிமாறவும்.

சூப்பரான நாட்டுக்கோழி கொத்துக்கறி மிளகு வறுவல் ரெடி.


மேலதிக வீடியோ செய்திகளை பார்வையிட கீழே உள்ள லிங்கை கிளிக் செய்யவும்

lanka4youtube

Back to Top